గంజాయి తరలిస్తున్న ముఠా అరెస్టు

గంజాయి తరలిస్తున్న అంతర్రాష్ట్ర ముఠాను ఎన్​ఫోర్స్​మెంట్​ అధికారులు అరెస్ట్‌ చేశారు. ఈ ఘటన హైదరాబాద్‌ గుడిమల్కాపూర్ వద్ద చోటుచేసుకుంది. వాహనాలు తనిఖీ చేస్తుండగా గంజాయి తరలిస్తున్న ఆరుగురు నిందితులను అధికారులు అదుపులోకి తీసుకున్నారు.

అక్రమంగా గంజాయి తరలిస్తున్న ఆరుగురిని ఆబ్కారీ శాఖ ఎన్​ఫోర్స్​మెంట్​ అధికారులు అరెస్టు చేశారు. వారి నుంచి 34.7 కిలోల గంజాయి, ఒక ఆటో, ఐదు మొబైల్ ఫోన్లు స్వాధీనం చేసుకున్నారు.

వాహనాలు తనిఖీ చేస్తుండగా గుడిమల్కాపూర్ వద్ద ఆటోలో గంజాయి దొరికిందని ఆబ్కారీ శాఖ ఎన్​ఫోర్స్​మెంట్​ ఏఈఏస్ అంజిరెడ్డి పేర్కొన్నారు. అరెస్టైన వారిలో నలుగురు ఒడిశాకు చెందిన వారని ఆయన వెల్లడించారు. కేసు నమోదు చేసి గోల్కొండ పోలీస్​స్టేషన్​కు తరలించినట్లు వివరించారు.

ఇదీ చూడండి : చోరీలకు పాల్పడుతున్న దొంగల ముఠా అరెస్ట్