రంగారెడ్డి జిల్లా అబ్దుల్లాపుర్మెట్ పోలీస్ స్టేషన్ పరిధిలోని పెద్ద అంబర్పేట్ ఔటర్ రింగ్ రోడ్డు సమీపంలో రోడ్డు ప్రమాదం జరిగింది. లారీని వెనకాల నుంచి కారు బలంగా ఢీకొట్టింది. ఈ ఘటనలో కారులో ఉన్న డ్రైవర్ ప్రభాకర్ (30)తో పాటు తండ్రి ఉపేంద్ర నాథ్ (45), కొడుకు రోషిక్ (27) అక్కడికక్కడే మృతి చెందారు.
ఆంధ్రా నుంచి హైదరాబాద్ వైపు వెళ్తున్న సమయంలో ప్రమాదం చోటుచేసుకుంది. ఘటనాస్థలికి చేరుకున్న పోలీసులు లారీ-కారు మధ్యలో ఇరుక్కున్న మృతదేహాలను బయటకు తీశారు. మృతులు కొత్తపేటకు చెందిన వారిగా గుర్తించారు. వీరు ఏపీలోని గుంటూరు జిల్లా బాపట్లకు వెళ్లి వస్తున్నట్లుగా సమాచారం. ప్రమాదానికి అతి వేగమే కారణమని పోలీసులు భావిస్తున్నారు.
