రంగారెడ్డి జిల్లా శంకరపల్లి మండలం మాసానిగూడలో కొవిడ్ మహమ్మారి ఒకే కుటుంబానికి చెందిన ముగ్గురిని పొట్టన పెట్టుకుంది. గ్రామానికి చెందిన వడ్ల విశ్వనాథం(58), అతని భార్య రుక్మిణి దేవి(55) వారి కుమారుడు అరుణ్ కుమార్... కొవిడ్తో మృతి చెందారు. కొన్ని రోజుల కిందట కరోనా లక్షణాలతో పరీక్షలు చేయించుకోగా పాజిటివ్ వచ్చింది. అప్పుడే నగరంలోని ఓ ప్రైవేటు ఆస్పత్రిలో చేరారు. చికిత్స పొందుతు రుక్మిణి దేవి మృతి చెందింది. అనంతరం ఆమె భర్త విశ్వనాథం మృత్యువాత పడ్డాడు.
వీరిద్దరి మృతదేహాలకు గ్రామంలోని వారి స్థలంలోనే దహన సంస్కారాలు నిర్వహించారు. ఆస్పత్రిలో చికిత్స పొందుతున్న వారి కుమారుడు అరుణ్కుమార్ కూడా మృతి చెందాడు. ఒకే కుటుంబంలో ఒకరి తర్వాత ఒకరు మృతి చెందడంతో గ్రామంలో విషాద ఛాయలు అలుముకున్నాయి.
ఇదీ చూడండి: పీఎస్కు పిలిపించారని ఆత్మహత్య.. బంధువుల ధర్నా
