Theft In vanasthalipuram: రాజధాని నగరంలో దొంగలు రెచ్చిపోయారు. బయటికి వెళ్లి వచ్చేలోగానే ఇంటిని గుల్ల చేశారు. ఇంటి తాళాలు పగులగొట్టి బంగారం, వెండి ఆభరణాలతో పాటు నగదు ఎత్తుకెళ్లిన సంఘటన హైదరాబాద్లోని వనస్థలిపురం పోలీస్‌స్టేషన్‌ పరిధిలో చోటుచేసుకుంది.
theft in huda sainagar:: వనస్థలిపురం పరిధిలోని హుడా సాయినగర్‌లో నివసిస్తున్న సామ ప్రతాప్‌రెడ్డి శనివారం మధ్యాహ్నం కుటుంబసభ్యులతో కలిసి ఇంటికి తాళం వేసి బయటకు వెళ్లారు. తిరిగి రాత్రి 9 గంటల తర్వాత చేరుకునేసరికి ఇంటి తాళాలు పగలగొట్టి బీరువాలో ఉన్న 37 తులాల బంగారు ఆభరణాలు, 5కేజీల వెండి సామగ్రి, రూ.30 వేల నగదును దుండగులు ఎత్తుకెళ్లినట్లు గుర్తించారు. అనంతరం పోలీసులకు ఫిర్యాదు చేశారు. బాధితుల ఫిర్యాదు మేరకు పోలీసులు రంగంలోకి దిగి దర్యాప్తు చేస్తున్నట్లు సీఐ సత్యనారాయణ తెలిపారు.
