Theft in Forum Mall: కూకట్పల్లి కేపీహెచ్బీ పీఎస్ పరిధిలో ఉన్న సుజనా ఫోరం మాల్లో దొంగతనం జరిగింది. మాల్ తాళాలు పగలగొట్టి శనివారం రాత్రి లోపలికి ప్రవేశించిన దుండగుడు.. రెండో అంతస్తులోని సిల్వర్ షైన్స్ షాపులో సుమారు రూ. 8 లక్షల విలువైన వెండి నగలను దొంగిలించాడు. రోజు మాదిరిగానే నిన్న రాత్రి యజమాని దుకాణానికి తాళాలు వేసి.. ఇంటికి వెళ్లి నిద్రకు ఉపక్రమించాడు. రాత్రి దొంగ దుకాణం తాళాలు పగలగొట్టి చోరీకి పాల్పడినట్లు తెలుస్తుంది.
ఉదయం విషయం తెలుసుకున్న యజమాని పోలీస్ స్టేషన్కి సమాచారం అందించారు. విషయం తెలుసుకున్న పోలీసులు కేసు నమోదు చేసుకొని సీసీ కెమెరాల ఆధారంగా దర్యాప్తు చేపట్టారు. గతంలో అదే మాల్లోని ఓ దుకాణంలో పని చేసి మానేసిన మాజిద్ అనే వ్యక్తి ఈ చోరీకి పాల్పడినట్లు గుర్తించిన పోలీసులు నిందితుడి కోసం గాలిస్తున్నారు.
ఇదీ చదవండి:అతివేగంతో బోల్తా కొట్టిన కారు.. భారీగా బయటపడిన గంజాయి
