లైవ్ దృశ్యాలు: బంజారాహిల్స్లో రెచ్చిపోయిన దొంగలు
హైదరాబాద్‌ బంజారాహిల్స్లో దొంగలు రెచ్చిపోతున్నారు. రాత్రి సమయాల్లో మూసివేసి ఉంచిన దుకాణాల్లో దోపిడిలకు పాల్పడుతున్నారు. బంజారాహిల్స్ రోడ్‌ నెంబర్-12లో ప్రైవేటు సంస్థలకు చెందిన రెండు కార్యాలయాల్లో దోపిడికి విఫలయత్నం చేశారు. చివరకు మూడోసారి ఓ క్షౌరశాలలోకి చొరబడి రూ.50,900 దోచుకున్నారు.
బాధితుల ఫిర్యాదు మేరకు కేసు నమోదు చేసిన బంజారాహిల్స్ పోలీసులు దర్యాప్తు చేపట్టారు. ఇద్దరు వ్యక్తులు కలిసి ఈ దొంగతనాలకు పాల్పడినట్లు అనుమానిస్తున్నామని పోలీసులు తెలిపారు. ఈ వివరాలన్ని సీసీటీవీ ఆధారాలతో నిందితుల్లో ఒకరిని పట్టుకోగా... ఇంకొకరికోసం పోలీసులు గాలిస్తున్నారు.
ఇదీ చదవండి: కట్టుకున్న భార్యపై ముళ్ల పొదల్లోకి లాక్కెళ్లి హత్యాయత్నం
