Wife and Husband Sudden Death: అనారోగ్యంతో భర్త మృతి చెంది అంత్యక్రియలు అయ్యేలోగానే భార్య మృతిచెందిన ఘటన కడప జిల్లా విశ్వనాథపురంలో జరిగింది. స్థానికంగా ఉంటున్న ప్రభుదానం క్రిస్టఫర్, స్వర్ణలతకు 33 సంవత్సరాల క్రితం వివాహమైంది. వీరికి ముగ్గురు పిల్లలు ఉన్నారు. ప్రభుదానం కడపలోని జూనియర్ సివిల్ జడ్జి కోర్టులో సీనియర్ అసిస్టెంట్గా పని చేస్తున్నాడు. స్వర్ణలత మండల పరిషత్ పాఠశాలలో ప్రధానోపాధ్యాయురాలు.
కొద్ది రోజులుగా క్రిస్టఫర్ అనారోగ్యంతో చికిత్స పొందుతూ సోమవారం మృతి చెందాడు. ఈరోజు అంత్యక్రియలు నిర్వహించి ఇంటికి వచ్చారు. భర్త చనిపోయిన బాధలో ఉన్న స్వర్ణలత గుండెపోటుతో ఒక్కసారిగా కుప్పకూలిపోయింది. వెంటనే బంధువులు ఆమెను ఆసుపత్రికి తరలిస్తుండగానే మరణించింది. భార్యభర్తలు కొన్ని గంటల వ్యవధిలోనే మరణించటంతో ఆ ఇంట్లో విషాదఛాయలు నెలకొన్నాయి.
ఇవీ చదవండి:
