2018లో అజయ్ని మౌనిక ప్రేమించి పెళ్లి చేసుకుంది. వారికి రోహిత్ అనే బాలుడు పుట్టాడు. వారి మధ్య గొడవలు జరగటంతో 2020 జనవరిలో మౌనిక అజయ్ని విడిచి పెట్టి బాబును తీసుకొని రాజు అనే వ్యక్తి వద్దకు వెళ్లింది. మౌనిక జీవనోపాధి కోసం ఓ క్యాటరింగ్లో పనిచేస్తోంది. రాజు, మౌనికకు మధ్య వివాహేతరం సంబంధం ఏర్పడింది.
వీరికి సంబంధానికి ఆమె కుమారుడు రోహిత్ అడ్డుగా ఉన్నాడని భావించిన రాజు.. మౌనిక క్యాటరింగ్ పనులకు వెళ్లడం గమనించి ఆ బాలుని ఛాతిపై బలంగా పిడిగుద్దులు గుద్దటంతో రోహిత్ స్పృహ తప్పిపోయాడు. తర్వాత బాబుకు ఫిట్స్ వచ్చిందని మౌనికకు చెప్పాడు. ఇద్దరు కలిసి బాబును ఆస్పత్రికి తీసుకెళ్లారు. అప్పటికే రోహిత్ చనిపోయినట్లు వైద్యులు తెలిపారు. బాబు మరణంపై తండ్రి అజయ్ పోలీసులకు ఫిర్యాదు చేశారు. విచారణ చేపట్టిన పోలీసులు రాజును అరెస్టు చేశారు.
ఇదీ చదవండి: 45 ఏళ్లు దాటినవారు టీకా వేయించుకోవాలి: కిషన్ రెడ్డి
