Sultan Bazar Gang Rape: హైదరాబాద్ సుల్తాన్బజార్ పోలీస్ స్టేషన్ పరిధిలో అమానుష ఘటన చోటుచేసుకుంది. మైనర్ బాలికపై కొందరు యువకులు సామూహిక అత్యాచారానికి పాల్పడ్డారు. బాలిక తల్లిదండ్రుల ఫిర్యాదు మేరకు పోలీసులు కేసు నమోదు చేసుకున్నారు. పరారీలో ఉన్న యువకుల కోసం గాలిస్తున్నారు. అయితే ఈ కేసులో స్పష్టత రావాల్సి ఉంది.
"మైనర్ బాలిక తల్లిదండ్రుల ఫిర్యాదు మేరకు మిస్సింగ్ కేసు నమోదు చేశాం. అనంతరం ఆమె కోసం గాలింపు మొదలుపెట్టాం. బాలికను ట్రేస్ అవుట్ చేసి విచారణ జరిపాం. విచారణలో.. బాలిక తన ఇష్టపూర్వకంగా బాయ్ఫ్రెండ్తో వెళ్లినట్లు ఒప్పుకుంది. మరోవైపు డిప్రెషన్లో ఉన్న తమ కుమార్తె ఇంట్లో నుంచి వెళ్లిపోయిందని ఆమె తల్లిదండ్రులు ఫిర్యాదులో పేర్కొన్నారు. బాలికపై సామూహిక అత్యాచారం రాచకొండ కమిషనరేట్లోని ఉప్పల్, మేడిపల్లి పోలీస్ స్టేషన్ల పరిధిలో జరిగింది. హైదరాబాద్లో జరగలేదు. కేసు ఇంకా విచారణలో ఉంది. పూర్తి వివరాలు తెలియాల్సి ఉంది."
- భిక్షపతి, సుల్తాన్ బజార్ సీఐ
దేశంలో ఇటీవల ఆడవారిపై జరిగిన సామూహిక అత్యాచారాలు..
