మేడ్చల్ జిల్లా దేవరయంజాల్ గ్రామానికి చెందిన సూరజ్(39) సాఫ్ట్వేర్ ఉద్యోగం చేస్తున్నాడు. కరోనా ప్రభావంతో ఇంట్లో నుంచి పని చేస్తున్న సూరజ్.. ఉన్నట్టుండి తన గదిలోకి వెళ్లి డోర్ పెట్టుకున్నాడు.
గమనించిన తండ్రి రామచంద్ర.. కిటికీలోంచి చూడగా ఉరేసుకుని ఉన్న తన కుమారుడని చూశాడు. వెంటనే డోర్ పగులగొట్టి కొంపల్లిలోని ఓ ప్రైవేటు ఆసుపత్రికి తరలించగా.. అప్పటికే మృతి చెందినట్లు వైద్యులు పేర్కొన్నారు. దీనిపై కేసు నమోదు చేసుకున్న పోలీసులు... దర్యాప్తు చేస్తున్నారు. ఆత్మహత్యకు గల కారణాలు ఇంకా తెలియలేదని మృతుని తండ్రి పేర్కొన్నారు.
