rtc bus hit lorry at anajipuram: ఆర్టీసీ బస్సును ఇసుక లారీ ఢీకొన్న ఘటన యాదాద్రి భువనగిరి జిల్లా మోత్కూరు మండలం అనాజిపురం క్రాస్ రోడ్డు వద్ద చోటుచేసుకుంది.
స్థానికులు తెలిపిన వివరాల ప్రకారం నార్కట్పల్లి డిపోకు చెందిన ఆర్టీసీ బస్సు మోత్కూరు వచ్చి తిరిగి వెలుతున్న సమయంలో అనాజిపురం స్టేజి వద్దకు రాగానే వేగంగా వస్తున్న ఇసుక లారీ ఢీ కొట్టింది. ఈ ప్రమాదంలో బస్సులో ప్రయాణిస్తున్న పర్రెపాటి యాదమ్మ అనే వృద్ధురాలికి గాయాలయ్యాయి. చికిత్స నిమిత్తం ఆమెను భువనగిరి ఏరియా ఆసుపత్రికి తరలించారు.
గతంలోనూ ఇసుక లారీ ప్రమాదంలో గ్రామానికి చెందిన ఓ యువకుడు మృతి చెందిన సంగతి మరువకముందే ఈ ఘటన జరగడంతో స్థానికులు భయాందోళనలకు గురవుతున్నారు.
ఇదీ చదవండి: Road accident: కూలీ పనుల కోసం వెళుతుండగా ఆటోను ఢీకొన్న టిప్పర్... చివరికీ...
