బస్సు లారీ ఢీ: ఐదుగురికి తీవ్రగాయాలు

ఏపీలోని కర్నూలు జిల్లాలో రోడ్డు ప్రమాదం చోటుచేసుకుంది. తెలంగాణకు చెందిన ఆర్టీసీ బస్సును లారీ ఢీకొట్టింది. ఈ ప్రమాదంలో ఐదుగురు ప్రయాణికులు తీవ్రంగా గాయపడ్డారు.

ఏపీలోని కర్నూలు జిల్లా కొంగనపాడు వద్ద తెలంగాణ ఆర్టీసీ బస్సును లారీ ఢీకొట్టింది. ఈ ప్రమాదంలో ఐదుగురు ప్రయాణికులు తీవ్రంగా గాయపడ్డారు. టీఎస్ఆర్టీసీ బస్సు హైదరాబాద్ నుంచి బెంగళూరు వెళ్తుండగా ఈ ఘటన చోటుచేసుకుంది.

రోడ్డు నిర్మాణ పనుల్లో భాగంగా ఒకవైపు మాత్రమే వాహనాల రాకపోకలు కొనసాగుతున్న కారణంగా.. ఈ ప్రమాదం జరిగినట్టు తెలుస్తుంది. బాధితులను చికిత్స నిమిత్తం కర్నూలు ఆసుపత్రికి తరలించారు.

ఇదీ చదవండి: బిడ్డలిద్దరూ శివపార్వతులు.. నేను కాళికను