నల్గొండ జిల్లా మిర్యాలగూడలో అర్ధరాత్రి దొంగలముఠా రెచ్చిపోయింది. తాళాలు వేసి ఉన్న ఇళ్లనే లక్ష్యంగా చేసుకుని దోపిడీకి పాల్పడ్డారు. అందినకాడికి బంగారం, నగదు చోరీ చేసి ఉడాయించారు. గురువారం అర్ధరాత్రి హనుమాన్ పేటలో వరుసగా తాళం వేసి ఉన్న మూడు ఇళ్లలో పథకం ప్రకారం చోరీ చేశారు. పర్వతాలు అనే లైన్మెన్ ఇంట్లో 6 తులాల బంగారం, రూ.పదివేల నగదును అపహరించారు. మరొకరి ఇంట్లో ఏమీ దొరక్కపోవడంతో ఇంటిని అపరిశుభ్రం చేశారు. వాళ్లు ఊరు నుంచి వస్తే కానీ చోరీ ఏమాత్రం జరిగిందనే విషయం స్పష్టం కాదు. సమాచారం అందుకున్న పోలీసులు విచారణ చేస్తున్నారు. క్లూస్ టీమ్స్.. దొంగల వేలిముద్రలను సేకరించే పనిలో నిమగ్నమయ్యారు.
ఈ క్రమంలో మిర్యాలగూడలో బుధవారం హౌసింగ్ బోర్డ్లోని 10 ఇళ్లలో చోరీకి యత్నించిన వీడియోలు వైరల్గా మారాయి. పోలీసులు రాత్రి వేళల్లో పెట్రోలింగ్ చేసి దొంగల బారి నుంచి కాపాడాలని పట్టణ ప్రజలు కోరుతున్నారు.
ఇదీ చదవండి: కాలువలో పడిన కారు డ్రైవర్ మృతదేహం లభ్యం
