Woman Kidnaps a boy in Krishna District : కృష్ణా జిల్లాలో ఈ నెల 19న 15 ఏళ్ల బాలుడి కిడ్నాప్ కేసును పోలీసులు ఛేదించారు. ఫోన్లో పోర్న్ వీడియోలు చూపించి బాలుడిని ప్రలోభ పెట్టిన స్వప్న(30) అనే మహిళ.. గత నెల రోజులుగా బాలుడితో శారీరక సంబంధం ఏర్పరచుకున్నట్లు గుర్తించారు. ఆ సన్నిహితంతోనే బాలుడికి మాయమాటలు చెప్పి.. కిడ్నాప్ చేసినట్లు నిర్ధారించారు.
పోలీసుల కథనం ప్రకారం.. 'గుడివాడ గుడ్మెన్ పేటలో ఎదురెదురు ఇళ్లలో నివాసముంటున్న స్వప్న అనే మహిళ, బాలుడు గత 19వ తేదీ నుంచి కనిపించకపోవడంతో బాలుడి కుటుంబ సభ్యులు ఫిర్యాదు చేశారు. 'ఈ ఘటనపై కేసు నమోదు చేసి విచారణ చేపట్టాము. ప్రాథమిక విచారణలో మాయమాటలతో స్వప్న బాలుడిని అపహరించినట్లు గుర్తించాం. అనంతరం.. ఆధునిక సాంకేతిక పరిజ్ఞానాన్ని వినియోగించి స్వప్న, ఆ బాలుడు హైదరాబాద్ బాలానగర్లో ఉన్నట్లు గుర్తించాం. బాలుడికి కౌన్సిలింగ్ ఇచ్చి కుటుంబ సభ్యులకు అప్పగించి.. స్వప్నపై పోక్సో చట్టం, కిడ్నాప్ కేసు నమోదు చేశాం' అని టూ టౌన్ సీఐ దుర్గారావు తెలిపారు.
