అదుపుతప్పి యువకులపైకి దూసుకెళ్లిన ఆటో
అతివేగంతో వచ్చిన ఆటో నలుగురు యువకులపైకి దూసుకెళ్లగా ఒకరు తీవ్రంగా గాయపడ్డారు. మేడ్చల్ జిల్లా జగద్గిరిగుట్ట పరిధి గాజులరామారంలో ఈ ప్రమాదం చోటు చేసుకుంది. ఘటనకు సంబంధించిన దృశ్యాలు సీసీటీవీల్లో రికార్డయ్యాయి.
ప్రమాదం జరిగిందిలా..
రోడ్డుపై నడుచుకుంటూ వెళ్తున్న నలుగురు యువకులపైకి ఆటో ఒక్కసారిగా దూసుకొచ్చింది. జగద్గిరిగుట్ట పరిధిలోని గాజులరామారంలో ఓ మలుపు వద్ద డ్రైవర్ మస్తాన్ అతి వేగంతో రాగా.. అదుపుతప్పిన ఆటో బోల్తా పడి నలుగురు యువకులను ఢీకొట్టింది. ఈ ఘటనలో గణేశ్ అనే యువకుడికి తీవ్ర గాయాలు కాగా.. ఆసుపత్రికి తరలించారు. ప్రమాదంపై కేసు నమోదు చేసుకుని దర్యాప్తు చేస్తున్నట్లు జగద్గిరిగుట్ట పోలీసులు పేర్కొన్నారు.
