ఎమ్మెల్యే జగ్గారెడ్డిపై ప్రజాప్రతినిధుల కోర్టు నాన్ బెయిలబుల్ వారెంట్ జారీ చేసింది. సంగారెడ్డిలో 2019లో నిబంధనలకు విరుద్ధంగా, అనుమతి లేకుండా ఆందోళన నిర్వహించారన్న కేసు విచారణకు జగ్గారెడ్డి హాజరు కాకపోవడంతో న్యాయస్థానం ఎన్బీడబ్ల్యూ జారీ చేసింది.
ఎమ్మెల్యే జగ్గారెడ్డి ఉదయం విచారణకు హాజరు కావాల్సి ఉండగా.. హాజరుకాలేదు. దీంతో సాయంత్రం 4 గంటల 40 నిమిషాల వరకు వేచి చూసిన న్యాయస్థానం.. గైర్హాజరైన జగ్గారెడ్డి, మరో ముగ్గురిపై నాన్ బెయిలబుల్ వారెంట్ జారీ చేసింది. ఈ నెల 11న జగ్గారెడ్డిని హాజరు పరచాలని సంగారెడ్డి పోలీసులను ఆదేశించింది. ఈ మేరకు విచారణను 11కు వాయిదా వేసింది.
