Baby in train toilet: ఆంధ్రప్రదేశ్లో ఓ వైపు అసని తుపాను ప్రభావంతో భారీ వర్షం కురుస్తోంది. రైలులో అప్పుడే ఓ తల్లికి మగ శిశువుకు జన్మనిచ్చింది. తల్లి వెచ్చని పొత్తిళ్లలో సేదతీరాల్సిన ఆ పసికందును.. పుట్టిన కాసేపటికే ఆ తల్లి రైలులోని మూత్రశాలలో వదిలేసి వెళ్లిపోయింది. విశాఖలోని రేల్వై స్టేషన్లో ఈ ఘటన చోటుచేసుకుంది. విశాఖలో ధన్‌బాద్- అలెప్పి ఎక్స్‌ప్రెస్‌ రైలులో నవజాత శిశువును వదిలేసిన ఘటన కలకలం రేపింది. బి-1 బోగి టాయిలెట్ వాష్‌ బేసిన్‌లో మగ శిశువును ఓ తల్లి విడిచి వెళ్లిపోయింది.
శిశువు ఏడుపు వినిపించడంతో అక్కడే విధుల్లో ఉన్న ఆర్పీఎఫ్ సిబ్బంది కాపాడారు. మెరుగైన వైద్యం కోసం రైల్వే ఆస్పత్రికి తరలించారు. ప్రస్తుతం శిశువుకు వైద్యులు చికిత్స అందిస్తున్నట్లు రైల్వే పోలీసులు తెలిపారు. పసికందును ఎవరు విడిచి వెళ్లారనే అంశంపై దర్యాప్తు చేస్తున్నారు.
ఇవీ చదవండి: ఐపీఎస్‌ అధికారిణికి మెసేజ్‌లు.. అమెరికా నుంచి వచ్చి అరెస్ట్‌
