కొమురం భీం ఆసిఫాబాద్ జిల్లా కేంద్రంలో దారుణం చోటు చేసుకుంది. రాజంపేట కాలువ పక్కన, ముళ్ల పొదల్లో.. అప్పుడే పుట్టిన ఆడపిల్లను గుర్తుతెలియని వ్యక్తులు పడేసి వెళ్లిపోయారు. పాప ఏడుపును విన్న స్థానికులు చుట్టుపక్కల వెతికారు. ముళ్ల పొదల్లో ఉన్న పాపను చూసి వెంటనే పోలీసులకు సమాచారం అందించారు.
ఎస్సై వెంకటేశ్ సిబ్బందితో వచ్చి శిశివును తీసుకుని స్థానిక ప్రభుత్వ ఆస్పత్రిలో చేర్చారు. పాప పరిస్థితి విషమంగా ఉండటంతో మెరుగైన వైద్యం కోసం కాగజ్నగర్ ఆస్పత్రికి తరలించారు. సీసీ కెమెరాల ఆధారంగా విచారణ జరపనున్నట్లు పోలీసులు పేర్కొన్నారు.
ఇదీ చూడండి: లైవ్ వీడియో: ఏటీఎం కేంద్రంలో శానిటైజర్ స్వాహా
