ఖమ్మం జిల్లా నేలకొండపల్లి మండలం చెరువు మాదారం సమీపంలో రేషన్ బియ్యం అక్రమంగా నిల్వచేసి ఆంధ్రాకు తరలిస్తుండగా టాస్క్ఫోర్స్ పోలీసులు పట్టుకున్నారు. 200 క్వింటాళ్ల బియ్యం, లారీ, బొలెరో, ద్విచక్ర వాహనం స్వాధీనం చేసుకున్నారు.
పాడుపడిన క్వారీ గదుల్లో నిల్వచేసి బియ్యాన్ని అక్రమంగా ఆంధ్రాకు తరలిస్తున్నారు. గ్రామానికి దూరంగా ఉండటంతో ప్రజలు గమనించరని ఈ విధంగా రవాణా చేస్తున్నారు.
అక్రమార్కులు పరారీలో ఉన్నట్లు పోలీసులు తెలిపారు. కేసు నమోదు చేసి దర్యాప్తు చేస్తున్నారు. దాడుల్లో టాస్క్ఫోర్స్ ఏసీపీ కృష్ణ, నేలకొండపల్లి ఎస్సై అశోక్ రెడ్డి పాల్గొన్నారు.
ఇదీ చూడండి: మనం తినే ఆహారం ఎంతవరకు సురక్షితం..!
