డబ్బుల కోసం వేధింపులు.. స్నేహితుడి హత్య

హైదరాబాద్​లోని ముషీరాబాద్ పోలీస్ స్టేషన్ పరిధిలో దారుణం జరిగింది. డబ్బుల కోసం జరిగిన గొడవ హత్యకు దారితీసింది. స్నేహితుని వేధింపులు భరించలేక అతన్ని అంతమొందించాడు.

స్నేహితుల మధ్య తలెత్తిన గొడవ హత్యకు దారి తీసింది. డబ్బుల కోసం వేధిస్తున్నాడని ఓ యువకుడిని హతమార్చాడు. ఈ ఘటన హైదరాబాద్​లోని ముషీరాబాద్​ పరిధిలోని రంగానగర్​లో చోటు చేసుకుంది.

రంగానగర్​కు చెందిన పర్వేజ్ (22).. కొంతకాలంగా సద్దాం హుస్సేన్ అనే వ్యక్తిని డబ్బుల కోసం వేధించాడు. దీంతో ఆగ్రహానికి గురైన సద్దాం హుస్సేన్.. అతని స్నేహితుడు మోట గౌస్​తో కలిసి గత రాత్రి పర్వేజ్​ను కత్తితో పొడిచాడు. తీవ్ర గాయాలైన యువకుడు ఈరోజు తెల్లవారుజామున 3 గంటలకు మృతిచెందాడు. గంజాయికి అలవాటు పడిన పర్వేజ్​.. సంఘ విద్రోహ కలాపాలకు పాల్పడుతున్నాడని పోలీసులు తెలిపారు. కేసు నమోదు చేసుకున్న పోలీసులు దర్యాప్తు చేస్తున్నారు.

ఇదీ చూడండి: ఆర్​ఎంపీ ఇంట్లో ఐటీ సోదాలు.. రూ.65లక్షలు స్వాధీనం