'అక్కతో వివాహేతర సంబంధం పెట్టుకున్నాడని చంపేశాడు'

ఓ వ్యక్తిపై ఇద్దరు వ్యక్తులు టెబుల్ ఫ్యాన్​రాడ్​తో దాడి చేసి హత్య చేసిన ఘటన మహబూబాబాద్​ జిల్లా గార్ల కేంద్రంలో చోటుచేసుకుంది. కేసు నమోదు చేసుకున్న పోలీసులు.. దర్యాప్తు చేపట్టారు.

ఖమ్మం జిల్లా బోనకల్లు మండలం తిమ్మినేనిపాలెంకు చెందిన రాయల వెంకటేశ్వర్లు(55) ఓ ప్రైవేటు ఇంజినీరింగ్ కళాశాలలో డ్రైవర్​గా పనిచేసేవాడు. కరోనాతో కాలేజీలు మూత పడటం వల్ల ప్రస్తుతం లారీ డ్రైవర్​గా పనిచేస్తూ... గార్ల మండల కేంద్రంలో ధనమ్మ అనే మహిళతో సహజీవనం చేసేవాడు. ధనమ్మ తమ్ముడు చాట్ల కోటేశ్, బంధువు సంపత్​లు వెంకటేశ్వర్లతో ఘర్షణకు దిగారు.

ఈ క్రమంలో టెబుల్ ఫ్యాన్​ రాడ్​తో వెంకటేశ్వర్ల తలపై మోదడంతో తీవ్ర గాయాలై... అక్కడిక్కడే మృతి చెందాడు. విషయం తెలుసుకున్న ఎస్​ఐ రవి ఘటనా స్థలానికి చేరుకుని.. కేసు నమోదు చేసి విచారణ చేపట్టారు. వివాహేతర సంబంధంపై ఇరువురి మధ్య ఘర్షణ చోటుచేసుకుందని స్థానికులు భావిస్తున్నారు.

• ఇదీ చూడండి : రూ.44.8 లక్షల బంగారం స్వాధీనం