సికింద్రాబాద్ బాలాజీనగర్ కాలనీలో నివాసముంటున్న కవిత అనే మహిళ... ఆరోగ్యం బాగా లేక తన అత్తతో కలిసి ఆస్పత్రికి వెళ్లింది. తిరిగి ఇంటికి వెళ్తున్న క్రమంలో శ్రీరామ్నగర్ కాలనీ వద్ద ఇద్దరు వ్యక్తులు బైక్పై వారికి ఎదురుగా వచ్చారు. చూస్తుండగానే ఆమె మెడలోని నాలుగు తులాల మంగళసూత్రాన్ని అపహరించారు.
ఆమె తేరుకునే లోపే దుండగులు అక్కడి నుంచి ఇండస్ స్కూల్ రోడ్డు వైపు పరారయ్యారు. ఘటనకు సంబంధించి బాధిత మహిళ ఫిర్యాదు చేసినట్లు పోలీసులు తెలిపారు. ఆ మేరకు కేసు నమోదు చేసి దర్యాప్తు చేపట్టినట్లు పేర్కొన్నారు. సీసీ కెమెరాల ఆధారంగా దొంగలను త్వరలోనే గుర్తిస్తామని అన్నారు.
ఇదీ చదవండి: హైదరాబాద్లోని పలు ప్రాంతాల్లో వర్షం
