గుర్తుతెలియని వాహనం ఢీకొని వ్యక్తి మృతిచెందిన ఘటన నారాయణపేట జిల్లా ఊట్కూర్ పరిధిలో చోటుచేసుకుంది. జిల్లాలోని చిన్నపొర్ల గ్రామానికి చెందిన చర్లబాబు శ్రీనివాస్... వ్యవసాయం చేసుకుంటూ జీవనం సాగిస్తున్నాడు. నారాయణపేట నుంచి ద్విచక్రవాహనంపై చిన్నపొర్లకు వస్తుండగా మార్గమధ్యలో ఊట్కూరు పరిధిలో గుర్తుతెలియని వాహనం ఢీకొట్టింది.
ఈ ఘటనలో తలకు తీవ్రగాయాలై శ్రీనివాస్... అక్కడికక్కడే మృతి చెందాడు. విషయం తెలుసుకున్న మక్తల్ సీఐ శంకర్, ఎస్ఐ రవి వివరాలు సేకరించి... దర్యాప్తు చేపట్టారు. మృతదేహాన్ని పోస్టుమార్టం నిమిత్తం నారాయణపేట జిల్లా ఆస్పత్రికి తరలించారు.
ఇదీ చూడండి: మంత్రి కేటీఆర్ను సెల్ఫీ కోరిన వృద్ధురాలు
