జోగులాంబ గద్వాల్ జిల్లా అలంపూర్ మండల కేంద్రం సమీపంలో ట్రాక్టర్ బోల్తా పడి ఓ వ్యక్తి మృతి చెందాడు. మానవపాడు మండలం చిన్నపోతులపాడుకు చెందిన బోయ మద్దిలేటి(38) ట్రాక్టర్ బాడుగ నిమిత్తం ఉండవల్లి మండలం బొంకూరు వెళ్లాడు. పని అయిపోయి తిరిగి వస్తుండగా.. అలంపూర్ సమీపంలో ప్రమాదవశాత్తు ట్రాక్టర్ బోల్తా పడింది. ఈ ఘటనలో మద్దిలేటి ట్రాక్టర్ కింద పడిపోయాడు.
విషయం గుర్తించిన స్థానికులు మద్దిలేటిని బయటకు తీశారు. అప్పటికే అతను మృతి చెందాడు. విషయం తెలుసుకున్న పోలీసులు ఘటనా స్థలానికి చేరుకొని కేసు నమోదు చేశారు. అనంతరం మృతదేహాన్ని స్థానిక ప్రభుత్వాసుపత్రికి తరలించారు.
ఇదీ చదవండి : భూముల సమగ్ర సర్వేపై ముఖ్యమంత్రి కేసీఆర్ సమీక్ష
