ఎమ్మెల్యే దానం నాగేందర్ వియ్యంకుడిపై ఆగంతకుల దాడి

ఖైరతాబాద్ ఎమ్మెల్యే దానం నాగేందర్​ వియ్యంకుడి కారుపై గుర్తుతెలియని దుండగులు రాళ్లతో దాడి చేశారు. ఈ ఘటన నుంచి చాకచక్యంగా తప్పించుకున్న అనిల్.. పోలీసులకు ఫిర్యాదు చేశారు.

ఖైరతాబాద్​ ఎమ్మెల్యే దానం నాగేందర్​ వియ్యంకుడు అనిల్ కారుపై గుర్తుతెలియని దుండగులు రాళ్ల దాడి చేశారు. ఈ ఘటనలో అతని కారు అద్దాలు ధ్వంసమయ్యాయి.

అనిల్.. సోమవారం అర్ధరాత్రి జూబ్లీహిల్స్​ రోడ్​ నంబర్​ 15లోని తన నివాసానికి వెళ్తుండగా.. కొందరు వ్యక్తులు ఆయన కారుపై రాళ్లు విసిరారు. ఆగంతకుల దాడి నుంచి చాకచక్యంగా తప్పించుకున్న అనిల్.. జూబ్లీహిల్స్​ పోలీసులకు ఫిర్యాదు చేశారు. కేసు నమోదు చేసుకున్న పోలీసులు.. సీసీ కెమెరా దృశ్యాల ఆధారంగా దర్యాప్తు చేస్తున్నారు.

• ఇదీ చూడండి : నిజామాబాద్‌లో పసుపు బోర్డు అవసరం లేదు: కేంద్రం