రెండో పెళ్లి పేరుతో సైబర్ నేరగాళ్లు (CYBER CRIME) భారీ మోసానికి తెగపడ్డారు. రూ. 50 లక్షలను ఓ మహిళ వద్ద కాజేశారు. హైదరాబాద్ జూబ్లీహిల్స్కు చెందిన ఓ మహిళ రెండో పెళ్లి కోసం భారత్ మాట్రిమోనీలో రిజిస్టర్ చేసుకుంది. కొన్ని రోజుల తరువాత తనకు ఓ ఫోన్ వచ్చింది. 'తాను ఇటలీలో డాక్టర్నని, క్లినిక్ కూడా ఉందన్నాడు. మాట్రిమోనీ సైట్లో ప్రొఫైల్ చూశానని... మీకు ఇష్టమైతే పెళ్లి చేసుకొని హైదరాబాద్లోనే స్థిరపడదామని కేటుగాడు ముగ్గులోకి లాగాడు.
కొన్ని రోజుల తరువాత ఇటలీలో ఉన్న తన ఖరీదైన వస్తువులు ఎయిర్ కొరియర్ ద్వారా పంపిస్తున్నానని నమ్మించాడు. పథకం ప్రకారం ఓ మహిళ చేత దిల్లీ కస్టమ్స్ అధికారినంటూ ఫోన్ చేయించాడు. వస్తువుల కోసం టాక్స్లు చెల్లింపు పేరుతో రూ.50 లక్షలను కేటుగాడు బదిలీ చేయించుకున్నాడు. తరువాత ఫోన్ చేయగా అటువైపు నుంచి సమాధానం రాలేదు. చివరికి మోసపోయినని తెలుసుకున్న ఆ మహిళ... హైదరాబాద్ సైబర్ క్రైమ్ పోలీసులకు ఫిర్యాదు చేసింది.
ఈవెంట్ పేరుతో..
ప్రముఖ డ్యాన్సర్ రాఫ్తార్ను ఈవెంట్ షోకి రప్పిస్తానని సైబర్ నేరగాళ్లు మోసం చేశారు. తిరుమలగిరికి చెందిన ఈవెంట్ ఆర్గనైజర్ ప్రసన్నను నమ్మించి రూ.10 లక్షలను సైబర్ కేసుగాళ్లు కాజేశారు.
సిమ్ కార్డుతో, డైమండ్ బిజినెస్ పేరుతో..
కొత్త సిమ్ కార్డు ద్వారా ఒక ప్రైవేట్ సంస్థ మేనేజర్ తులసీ బాబుకు చెందిన మూడు క్రెడిట్ కార్డుల నుంచి.. ఐదున్నర లక్షల రూపాయాలు సైబర్ నేరగాళ్లు కాజేశారు. అలాగే డైమండ్స్ బిజినెస్లో పెట్టుబడుల పేరుతో గౌలిగూడకు చెందిన యువకుడు హరీష్ చౌదరిని నమ్మించి సైబర్ కేటుగాళ్లు 6 లక్షలు కాజేశారు. బాధితుల ఫిర్యాదు మేరకు కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.
ఇద చూడండి: Rajnikanth: రజనీకాంత్ స్టైల్ వెనుకున్న సీక్రెట్ ఏంటి?
