Husband killed Wife: పండగ వేళ ఊరంతా సందడిగా ఉంది. బంధుమిత్రుల రాకతో స్థానికంగా కోలాహలం నెలకొంది. అందరూ సంక్రాంతి సంబురాల్లో మునిగితేలారు. అర్ధరాత్రి కావడంతో అలసిపోయి గాఢనిద్రలోకి వెళ్లారు. ఇంతలోనే ఓ ఇంట్లో జరిగిన దారుణంతో ఊరంతా ఉలిక్కిపడింది. భార్యను హతమార్చిన ఓ వ్యక్తి.. ఆపై ఆత్మహత్యకు పాల్పడ్డాడనే విషయం తెలుసుకున్న ఊరి జనం భయాందోళనకు గురయ్యారు. ఏపీలోని గుంటూరు జిల్లా పొన్నూరు మండలు కసుకరు గ్రామంలో చోటు చేసుకున్న ఈ సంఘటనపై పోలీసులు దర్యాప్తు చేస్తున్నారు.
గ్రామానికి చెందిన చిన్న సుబ్బారావు-రోజా భార్యాభర్తలు. కొన్నేళ్లుగా దీర్ఘకాలిక వ్యాధితో బాధపడుతున్నారు. ఆ కారణంతో తరచూ ఆందోళనకు గురవుతున్న వీరు.. బంధువులు, స్నేహితులు తమను చిన్నచూపు చూస్తున్నారని కుమిలిపోయేవారు. ఈ నేపథ్యంలో ఆదివారం అర్ధరాత్రి నిద్రలో ఉన్న రోజాపై పదునైన ఆయుధంతో సుబ్బారావు దాడి చేశాడు. ఆమె మృతి చెందినట్లు నిర్ధారించుకున్న తర్వాత పురుగుల మందు తాగి ప్రాణాలు తీసుకున్నాడు.
ఇవీ చదవండి :
