రంగారెడ్డి జిల్లాలోని మీర్పేట్ పోలీస్ స్టేషన్ పరిధిలో నివసిస్తోన్న తడకల సుజాత అనే మహిళ ఈనెల 17న మీర్పేట్ లెనిన్ నగర్ ప్రాంతంలో నడుచుకుంటూ వెళ్తోంది. గమనించిన ఇద్దరు గుర్తు తెలియని యువకులు.. సుజాతను మాటల్లో పెట్టి ఎవరూ లేని సమయంలో పొదల్లోకి లాక్కెళ్లారు. ఆమె వద్ద ఉన్న 25 గ్రాముల బంగారు గొలుసు, రూ.2వేలు దొంగిలించి పారిపోయారు.
బాధితురాలు మీర్పేట్ పోలీసులకు ఫిర్యాదు చేయగా.. రంగంలోకి దిగిన పోలీసులు సీసీకెమెరాల ద్వారా 48 గంటల్లో కేసును ఛేదించారు. బడంగ్పేట్ గాంధీనగర్కు చెందిన సంపంగి చిన్న, ఓర్స శ్రీనులను నిందితులుగా గుర్తించి అరెస్టు చేశారు. వారి నుంచి బంగారు గొలుసు, నగదును రికవరీ చేసి బాధితురాలికి అందించారు. నిందితులిద్దర్ని పోలీసులు రిమాండ్కు తరలించారు. గతంలోనూ వీరిపై పలు కేసులున్నట్లు మీర్పేట్ సీఐ మహేందర్ రెడ్డి తెలిపారు.
