కామారెడ్డి జిల్లా నాగిరెడ్డిపేట్ మండలం అక్కంపల్లి గ్రామంలో విషాదం చోటు చేసుకుంది. అంతా గాఢ నిద్రలో ఉన్న సమయంలో గ్యాస్ సిలిండర్ పేలి రెండు పూరిళ్లు దగ్ధమయ్యాయి. అదే గ్రామానికి చెందిన ఎల్లయ్య నివాసంలో శుక్రవారం అర్ధరాత్రి గ్యాస్ సిలిండర్ లీక్ అయి మంటలు చెలరేగాయి. అవి పక్కనే ఉన్న నాగేష్ గుడిసెకు వ్యాపించాయి. ఈ ఘటనలో రెండు గుడిసెలు అగ్నికి ఆహుతి అయ్యాయి. భయంతో పరుగులు తీసి బాధితులు ప్రాణాలతో బయటపడ్డారు.
అగ్నిమాపక సిబ్బందికి వెంటనే సమాచారం ఇవ్వగా.. వారు ఘటనా స్థలానికి చేరుకొని మంటలను అదుపు చేశారు. రెండు గుడిసెలు పూర్తిగా దగ్ధమై బాధితులు నిరాశ్రయులయ్యారు.
ఇదీ చదవండి: 'మహిళలు, ఉద్యోగులపై దాడులు'... న్యాయవాదిపై పీడీ యాక్ట్!
