Ganja Seize: జలాశయంలోకి దూసుకెళ్లిన స్కార్పియో.. 300 కిలోల గంజాయి సీజ్

Scorpio fell into reservoir: గంజాయి తరలిస్తున్న ఓ స్కార్పియో వాహనం జలాశయంలోకి దూసుకెళ్లింది. ఈ ఘటన అల్లూరి సీతారామరాజు జిల్లాలో చోటు చేసుకుంది. అయితే వాహనంలో తరలిస్తున్న 300 కిలోల గంజాయిని పోలీసులు స్వాధీనం చేసుకున్నారు.

Scorpio fell into reservoir: ఏపీలోని అల్లూరి సీతారామరాజు జిల్లా రంపచోడవరం మండలం భూపతిపాలెం వద్ద గంజాయి తరలిస్తున్న వాహనం జలాశయంలోకి దూసుకెళ్లింది. ఆంధ్ర-ఒడిశా సరిహద్దు నుంచి మైదాన ప్రాంతం రహదారిపైకి వస్తుండగా సినీఫక్కీలో పోలీసులు వెంబడించారు. ఇది గమనించిన గంజాయి వాహన డ్రైవర్ వేగంగా నడిపాడు.

ఈ క్రమంలోనే భూపతిపాలెం జలాశయం వద్దకు రాగానే వాహనం డివైడర్‌ను ఢీకొట్టింది. అనంతరం స్కార్పియో పక్కనే ఉన్న జలాశయంలో పడిపోయింది. పోలీసులు క్రేన్ సాయంతో వాహనాన్ని వెలికితీశారు. అందులోని 300 కిలోల గంజాయిని స్వాధీనం చేసుకున్నారు. ఈ ఘటనలో ఒకరిని పోలీసులు అదుపులోకి తీసుకోగా మరొకరు పరారీలో ఉన్నారు.

ఇదీ చదవండి: