పరవాడ ఫార్మాసిటీలో అగ్ని ప్రమాదం.. నలుగురు మృతి

Fire accident in Parawada Pharmacity: ఏపీలోని అనకాపల్లి జిల్లా పరవాడ ఫార్మాసిటీలో అగ్ని ప్రమాదం జరిగింది. ఈ ఘటనలో నలుగురు కార్మికులు చనిపోగా.. మరొకరి పరిస్థితి విషమంగా ఉంది. రియాక్టర్ నుంచి మంటలు రావడంతోనే ఈ ప్రమాదం జరిగిందని పోలీసులు తెలిపారు.

Fire accident in Parawada Pharmacity: ఆంధ్రప్రదేశ్​లోని అనకాపల్లి జిల్లా పరవాడ ఫార్మాసిటీలో జరిగిన ప్రమాదంలో నలుగురు కార్మికులు మృతి చెందారు. లారస్ ల్యాబ్స్‌ యూనిట్ 3లో.. ఉత్పత్తి లేని బ్లాక్ శుభ్రం చేస్తున్న సందర్భంలో రియాక్టర్‌ నుంచి మంటలు వచ్చి ప్రమాదం జరిగిందని కార్మికులు తెలిపారు. ఈ ఘటనలో అక్కడే పనిచేస్తున్న కార్మికులు తీవ్రంగా గాయపడ్డారు. వీరిని వైద్యం కోసం విశాఖ కేజీహెచ్​కు తరలించగా ఆస్పత్రిలో చికిత్స పొందుతూ రాంబాబు, రాజేష్‌, రామకృష్ణ, వెంకట్రావులు మృతి చెందారు. మరో కార్మికుడి పరిస్థితి విషమంగా ఉంది. షార్ట్‌సర్క్యూట్‌ వల్లే అగ్నిప్రమాదం జరిగినట్లు అధికారులు భావిస్తున్నారు.

ఇవీ చూడండి