ఆంధ్రప్రదేశ్లోని పశ్చిమ గోదావరి జిల్లా భీమవరం - ఉండి రోడ్డులోని అనాకోడేరు కాలువ సమీపంలోని ఖాళీ స్థలంలో పేలుడు సంభవించడంతో స్థానికులు ఉలిక్కిపడ్డారు. అనాకోడేరు కాలువ సమీపంలోని ఓ ఖాళీ స్థలంలో పేలుడు జరిగింది. సమాచారం అందుకున్న పోలీసులు ఘటనా స్థలానికి చేరుకుని... ఆ ప్రాంతంలో తనిఖీలు కొనసాగిస్తున్నారు.
ఒక్కసారిగా సంభవించిన పేలుడుకు స్థానికులు తీవ్ర భయాందోళనలకు గురయ్యారు. పేలుడు జరిగిన ప్రాంతంలో గడ్డి మేస్తున్న ఆవు తీవ్రంగా గాయపడింది. నరసాపురం డీఎస్పీ వీరాంజనేయరెడ్డి.. ఘటనా స్థలాన్ని సందర్శించారు. ఆ ప్రాంతంలో బాంబు స్క్వాడ్ తనిఖీలు నిర్వహిస్తున్నట్లు వెల్లడించారు. పేలుడుకు గల కారణాలు ఇంకా తెలియరాలేదని వెల్లడించారు.
జగన్ పర్యటన నేపథ్యంలో అలర్ట్..
భీమవరంలోని శనివారం జరిగే ఓ వివాహ కార్యక్రమానికి ముఖ్యమంత్రి జగన్ హాజరుకానున్నారు. ఈ తరుణంలో పేలుడు సంభవించడంతో పోలీస్ శాఖ అప్రమత్తమైంది. పేలుడుకు గల కారణాల గురించి విస్తృతంగా తనిఖీలు చేస్తున్నారు.
ఇదీ చదవండి: FISHERMEN MISSING: శ్రీకాకుళం సముద్ర తీరంలో ముగ్గురు జాలర్లు గల్లంతు
