Godavarikhani Accident Today : స్నేహితుడి పుట్టిన రోజు వేడుకకు ముగ్గురు స్నేహితులు కలిసి వెళ్లారు. అతడికి కేక్ కట్ చేయించి.. ఆనందంగా కాసేపు గడిపారు. అంతసేపు ఎంతో ఉల్లాసంగా ఎంజాయ్ చేసిన వారు.. తిరిగి ఇంటికి బయలుదేరారు. వేడుకలో మద్యం సేవించి ఉండటం.. వేగంగా బైక్ నడపడం వల్ల జరిగిన ప్రమాదం ఆ ముగ్గురిలో ఇద్దరిని బలిగొంది. మరో యువకుడుని మృత్యువుతో పోరాడేలా చేసింది.
Accident at Godavarikhani Today :పెద్దపల్లి జిల్లా గోదావరిఖని రమేశ్నగర్ వద్ద వేగంగా వెళ్తున్న ద్విచక్రవాహనం కల్వర్టును ఢీకొట్టింది. ఈ ఘటనలో ఓ యువకుడు అక్కడికక్కడే మృతి చెందగా మరొకరు ఆస్పత్రికి తరలిస్తుండగా మరణించారు. ఇంకో యువకుడు ఆస్పత్రిలో ప్రాణాలతో కొట్టామిట్టాడుతున్నాడు.
Peddapalli Accident today : గోదావరిఖని రామ్నగర్కు చెందిన మహేశ్, శివరామ్, సిద్ధూలు స్నేహితుడి పుట్టిన రోజు వేడుకకు దూళిపేటకు వెళ్లి బైక్పై తిరిగొస్తుండగా.. రమేశ్నగర్ వద్ద కల్వర్టును ఢీకొట్టారు. ఈ ప్రమాదంలో మహేశ్, శివరామ్లు మృతిచెందగా.. సిద్ధూ కరీంనగర్ ప్రభుత్వాస్పత్రిలో చికిత్స పొందుతున్నాడు. ఘటనాస్థలికి చేరుకున్న పోలీసులు మృతదేహాలను, గాయపడిన యువకుడి ఆస్పత్రికి తరలించారు. మత్తులో వేగంగా బైక్ నడపడం వల్లే ప్రమాదం జరిగి ఉంటుందని భావిస్తున్నారు. మృతులు గంజాయి సేవించి ఉంటారని అనుమానిస్తున్నారు. కేసు నమోదు చేసుకుని దర్యాప్తు చేస్తున్నారు.
