Auto driver rapes 15-year-old girl: మేడ్చల్ జిల్లాలో దారుణం చోటుచేసుకుంది. అభం శుభం తెలియని ఓ 15 ఏళ్ల బాలికపై ఆటో డ్రైవర్ అత్యాాచారానికి పాల్పడ్డాడు. అసలు ఏం జరిగిందంటే... మార్చి 31న 15 ఏళ్ల బాలిక తన స్నేహితులతో కలిసి పాఠశాల నుంచి ఇంటికి వెళ్తోంది. ఆ బాలికకు పరిచయమున్న ఆటోడ్రైవర్(50) మాయమాటలు చెప్పి... ఆటోలో ఎక్కించుకుని వెళ్లిపోయాడు. ఆ మరునాడు ఈ విషయాన్ని బాలిక స్నేహితులు టీచర్కు చెప్పారు. ఆమె బాధిత బాలికను పిలిచి ఏం జరిగిందన్న విషయం తెలుసుకోగా.. ఆటోడ్రైవర్ తనపై అత్యాచారం చేసినట్లు టీచర్కు బాలిక తెలిపింది.
విషయం తెలుసుకున్న పాఠశాల టీచర్.. బాధిత బాలిక తల్లిదండ్రులకు ఫోన్ చేసి చెప్పింది. పోలీసులకు ఫిర్యాదు చేయాల్సిందిగా సూచించింది. కాగా వారు పరువు పోతుందనే ఉద్దేశంతో పోలీసులకు ఫిర్యాదు చేయలేదు. అయితే ఏప్రిల్ 4వ తేదీన స్కూల్ టీచర్ బాధిత బాలికను పోలీసులకు ఫిర్యాదు చేశారా అని ప్రశ్నించగా.. చేయలేదని.. చెప్పింది. ఇలాగే వదిలేస్తే.. ఎంతో మంది బలవుతారని టీచర్... బాలిక తల్లిదండ్రులకు చెప్పింది. వారు ఆటోడ్రైవర్పై పోలీసులకు ఫిర్యాదు చేయడంతో ఈ ఘటన వెలుగులోకి వచ్చింది. పోక్సో చట్టం కింద కేసు నమోదు చేసుకున్న పోలీసులు... నిందితుడిని అదుపులోకి తీసుకున్నారు. కేసును దర్యాప్తు చేస్తున్నారు.
ఇదీ చదవండి: హెడ్మాస్టర్ పాడు బుద్ధి.. వాట్సాప్లో అసభ్య మెసేజ్లు.. చంపేస్తానంటూ...
