రాజన్న సిరిసిల్ల జిల్లా ఇల్లంతకుంట మండలం రహీంఖాన్ పేట గ్రామానికి చెందిన విద్యార్థులు డిగ్రీ వార్షిక పరీక్షల కోసం జిల్లా కేంద్రంకు ఆటోలో వస్తున్నారు. ఈ క్రమంలో తంగళ్ళపల్లి మండలం లక్ష్మీపూర్ పోచమ్మ దేవాలయ సమీపంలో ఆటో అదుపుతప్పి బోల్తా పడింది. ఈ ఘటనలో 12 మంది విద్యార్థులకు గాయాలయ్యాయి. స్థానికుల సమాచారం మేరకు 108 సిబ్బంది ఘటన స్థలికి చేరుకొని గాయపడిన విద్యార్థులను జిల్లా ఆస్పత్రికి తరలించారు.
చికిత్స పొందుతున్న విద్యార్థులను మంత్రి గంగుల కమలాకర్, ఎమ్మెల్యేలు రసమయి బాలకిషన్, రవి శంకర్లు పరామర్శించారు. ప్రమాదానికి గల కారణాలను అడిగి తెలుసుకున్నారు. మెరుగైన చికిత్స అందించాలని వైద్యులకు సూచించారు. ఓ వైపు గాయాలు.. మరోవైపు భవిష్యత్‌పై అస్పష్టతతో విద్యార్థులు మనోవేదనకు గురవుతున్నారు.
ఇదీ చదవండి: పెళ్లి కావడం లేదని భవనం పైనుంచి దూకి యువకుడు ఆత్మహత్య
