తల్లిని కొట్టాడనే కారణంతో మేనమామపై అల్లుళ్లు దాడి చేశారు. కత్తితో విచక్షణ రహితంగా దాడికి పాల్పడ్డారు. ఈ ఘటన మహబూబాబాద్ జిల్లా కేసముద్రం మండలం ఉప్పరపల్లిలో జరిగింది.
అసలేం జరిగింది..
ఉప్పరపల్లిలో వారం క్రితం ప్రభాకర్ అనే వ్యక్తి.. మద్యం మత్తులో తన అక్క భారతమ్మపై చేయిచేసుకున్నాడు. ఇదే విషయాన్ని హైదరాబాద్లో ఉంటున్న ఆమె తన కుమారులు రమేశ్, సంపత్లకు చెప్పింది. ఆగ్రహించిన వారు.. హైదరాబాద్ నుంచి వచ్చి.. మేనమామ ప్రభాకర్ను పంచాయితీకి పిలిపించారు. గ్రామపెద్దల సమక్షంలో విచారణ జరుగుతోంది. ఆ సమయంలో మాటామాటా పెరిగింది. అది కాస్త మేనమామ, అల్లుళ్ల మధ్య ఘర్షణకు దారితీసింది. ఈ క్రమంలో మామపై కత్తితో విచక్షణరహితంగా దాడిచేశారు. ఈ ఘటనలో ప్రభాకర్కు తీవ్రగాయాలయ్యాయి. అప్రమత్తమైన స్థానికులు చికిత్స కోసం వరంగల్ ఎంజీఎం ఆస్పత్రికి తరలించారు.
ఇదీచూడండి: 'నేనే చంపాను.. మళ్లీ బతికిస్తాను'.. జగిత్యాలలో శవం వద్ద పూజలు
