Attack on food delivery boy: హైదరాబాద్ నగరంలోని హుమాయున్‌నగర్‌లో ఓ వ్యక్తి వీరంగం సృష్టించాడు. ఆర్డర్ లేట్ అయిందని, ఫుడ్ డెలివరీ బాయ్పై విచక్షణరహితంగా దాడికి దిగాడు. తన 15 మంది అనుచరులతో కలిసి వచ్చి ఓ హోటల్ వద్ద భయానక వాతవరణం సృష్టించాడు. భయంతో సదరు ఫుడ్ డెలివరీ బాయ్ హోటల్‌లోకి పరుగులు తీయగా, వారు సైతం హోటల్‌లోకి దూసుకెళ్లి మరీ బాధితుడిపై దాడి చేశారు. ఈ క్రమంలో మరిగే నూనె మీద పడడంతో ఫుడ్ డెలివరీ బాయ్‌తో పాటు నలుగురికి తీవ్ర గాయాలు అయ్యాయి.
ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. పోలీసులు తెలిపిన కథనం ప్రకారం.. ఫుడ్ డెలివరీ బాయ్కి అహ్మద్ అనే వ్యక్తికి పార్కింగ్ వద్ద చిన్నపాటి గొడవ జరిగింది. డెలివరీ బాయ్పై అహ్మద్, అతని కుమారులు దాడికి పాల్పడ్డారు. అదే సమయంలో 555 హోటల్ కిచెన్లో పనిచేసే ఇద్దరు వ్యక్తులు సరదాగా తోసుకుంటున్న సమయంలో ఒక వ్యక్తి కాళ్లు జారి పక్కనే ఉన్న నూనె కలాయి పడడం.. ఆ నూనె అక్కడే ఉన్న మరో ఇద్దరిపై చిల్లడం వల్ల వారు గాయాల పాలయ్యారు.
ఈ మేరకు సోషల్ మీడియాలో వస్తున్న వార్తలు అవాస్తవమని పోలీసులు తెలిపారు. గొడవకు సంబంధించి అన్ని సీసీ ఫుటేజ్లు పరిశీలించాకే రెండు కేసులు నమోదు చేశామన్నారు. డెలివరీ బాయ్పైన దాడి చేసిన అహ్మద్, అతని కుమారులను అదుపులోకి తీసుకొని విచారించామన్నారు.
ఇవీ చదవండి:
