పంచాయతీరాజ్ శాఖ మంత్రి ఎర్రబెల్లి దయాకర్రావుకు పెను ప్రమాదం తప్పింది. జనగామ జిల్లా తొర్రూరు నుంచి జనగామకు కాన్వాయ్లో వెళుతుండగా.. ఎదురుగా వస్తున్న ట్రాక్టర్లోంచి కేజివీల్ ఊడిపోయింది. ఒక్కసారిగా చక్రం కాన్వాయ్లోని మంత్రి ప్రయాణిస్తున్న వాహనాన్ని ఢీకొట్టింది.
వెలిశాల వద్ద జరిగిన ఈ ఘటనలో మంత్రి సురక్షితంగా బయటపడగా.. బుల్లెట్ ప్రూఫ్ వాహనం డోర్ స్వల్పంగా దెబ్బతింది. ప్రమాదంలో మంత్రితో సహా ఎవరికీ ఎలాంటి గాయాలు కాకపోవడంతో అంతా ఊపిరి పీల్చుకున్నారు. అనంతరం మంత్రి మరో వాహనంలో అక్కడి నుంచి వెళ్లిపోయారు.
ఇదీ చూడండి: కన్నతల్లి కర్కశం... ఇద్దరు పిల్లల గొంతునులిమి హత్య
