Knifes Attacked In Hyderabad: హైదరాబాద్ సంతోష్‌నగర్లో యువకులు రెచ్చిపోయారు. ఏసీపీ కార్యాలయం ముందే ఓ యువకుడిపై నలుగురు వ్యక్తులు కత్తులతో దాడి చేశారు.ఈ ఘటన నిన్న జరగగా ఆలస్యంగా వెలుగులోకి వచ్చింది. ఇందుకు సంబంధించిన వివరాలు ఈ విధంగా ఉన్నాయి. పాతబస్తీకి చెందిన ఇమ్రాన్ ఆటో డ్రైవర్గా పని చేస్తున్నాడు. బుధవారం అర్ధరాత్రి వసీం, అహ్మద్, సల్మాన్, ఇమ్రాన్ అనే నలుగురు వ్యక్తులు కలిసి ఇమ్రాన్పై దాడికి పాల్పడ్డారు.
పక్కనే ఏసీపీ కార్యాలయం ఉన్న అవేమి పట్టించుకోకుండా దుండగులు ఇమ్రాన్పై కత్తులతో విచక్షణారహితంగా దాడికి పాల్పడ్డారు. స్థానికులు ఈ గొడవను ఆపేందుకు యత్నించిన వారు పట్టించుకోలేదు. ఇంత జరిగినా పక్కనే స్టేషన్లో ఉన్న పోలీసులు అటువైపు కన్నెత్తి కూడా చూడలేదని స్థానికులు ఆరోపిస్తున్నారు. రాత్రి దాడికి పాల్పడిన నిందితులు గంజాయికి బానిసలని స్థానికులు చెప్పారు. ఇకనైనా పోలీసులు స్పందించి పాతబస్తీలో నిఘా పెంచాలని వారు కోరుతున్నారు. వారికి మత్తు పదార్థాలు తెచ్చి ఇవ్వనందుకే తనపై దాడి చేశారని బాధితుడు ఇమ్రాన్ పేర్కొన్నారు.
ఇవీ చదవండి: రుణ యాప్ల కేసులో మరో ముగ్గురు అరెస్ట్
