ఆడుకుంటున్న రెండేళ్ల చిన్నారిపై టీవీ పడి గాయాలయ్యాయి. ఆసుపత్రిలో చికిత్స పొందుతూ మృతి చెందిన ఘటన హైదరాబాద్ బంజారాహిల్స్ పరిధిలో చోటుచేసుకుంది. కుటుంబసభ్యులు, పోలీసులు తెలిపిన కథనం ప్రకారం.. బంజారాహిల్స్ రోడ్‌ నంబరు 12లోని ఫస్ట్‌లాన్సర్‌ సమీపంలోని అహ్మద్‌నగర్‌ ప్రాంతంలో నివసిస్తూ వడ్రంగిగా పని చేసే మహ్మద్‌ లయీఖుద్దీన్‌ రెండేళ్ల కుమార్తె మెహరాజ్‌ ఫాతిమా.. ఈ నెల 12న ఇంట్లో ఆడుకుంటోంది. ఈ క్రమంలోనే ప్రమాదవశాత్తు టీవీ చిన్నారి మీదపడింది. ఘటనలో చిన్నారి గాయపడగా.. ఉస్మానియా ఆసుపత్రికి తరలించారు. చికిత్స పొందుతున్న చిన్నారి మృతి చెందింది.
ఇవీ చూడండి..
పరీక్ష రాస్తూ స్పృహ కోల్పోయిన ఇంటర్ విద్యార్థి... చికిత్స పొందుతూ..!
ఎమ్మెల్యే బంధువుల వేధింపులు.. స్టేషన్లో వెక్కివెక్కి ఏడ్చేసిన కానిస్టేబుల్
