Man fall in fire pit: ఆంధ్రప్రదేశ్లోని శ్రీ సత్యసాయి జిల్లా చెన్న కొత్తపల్లి మండలం బసంపల్లిలో విషాదం చోటుచేసుకుంది. గ్రామంలో మొహర్రం సందర్భంగా ఏర్పాటు చేసిన అగ్నిగుండంలో ప్రమాదవశాత్తు పడి కనుముక్కల గ్రామానికి చెందిన నర్సింహులు అనే వ్యక్తి మృతి చెందాడు. బసంపల్లిలో జరుగుతున్న పీర్ల పండుగకు వచ్చిన అతడు.. అగ్నిగుండం వద్దకు వెళ్లగా ప్రమాదవశాత్తు అందులో జారిపడ్డాడు. మంటల్లో కాలిపోతున్న అతడిని స్థానికులు బయటకు లాగారు.
తీవ్రంగా గాయపడిన అతడిని చికిత్స నిమిత్తం అనంతపురం ప్రభుత్వ ఆసుపత్రికి తరలించారు. ఆసుపత్రిలో చికిత్స పొందుతూ నర్సింహులు మరణించాడు. మద్యం మత్తులో అగ్నిగుండం దగ్గరకు వెళ్లి కాలుజారి గుండంలో పడినట్లు గ్రామస్థులు తెలిపారు. ఈ ఘటనపై కేసు నమోదు చేసిన పోలీసులు విచారణ చేపట్టారు.
ఇవీ చదవండి:
