SCHOOL AUTO ROLL OVER: సూర్యాపేట జిల్లా మునగాల మండలంలో రోడ్డు ప్రమాదం చోటు చేసుకుంది. పాఠశాల ఆటోను కారు ఢీ కొట్టడంతో విద్యార్థులకు స్వల్పగాయాలు అయ్యాయి. మండలంలోని ఓ ప్రైవేటు పాఠశాల ఆటో బరాకత్ గూడెం నుంచి విద్యార్థులను ఎక్కించుకొని మునగాల వైపు వెళ్తుండగా విజయవాడ నుంచి వస్తున్న కారు వెనుక నుంచి బలంగా ఢీ కొట్టింది. దీంతో ఆటో పల్టీలు కొట్టింది. ఆటోలో ఉన్న 10 మంది విద్యార్థులతో సహా ఒక టీచర్, ఆటో డ్రైవర్కు గాయాలయ్యాయి.
వీరందరిని చికిత్స నిమిత్తం సూర్యాపేట ఆస్పత్రికి తరలించారు. ఆటో డ్రైవర్ అజాగ్రత్త వల్లే ప్రమాదం జరిగిందని పోలీసులు తెలిపారు. మరోవైపు విద్యార్థులకు స్వల్పగాయాలతో బయటపడటంతో తల్లిదండ్రులు ఊపిరి పీల్చుకున్నారు.
ఇదీ చదవండి: btech student suicide: 'క్విట్టింగ్‌ మై లైఫ్‌.. సారీ మమ్మీ డాడి'
