బ్లాక్​లో రెమ్​డెసివిర్ ఇంజక్షన్లు అమ్ముతున్న ఐదుగురు అరెస్ట్

బ్లాక్​లో రెమ్​డెసివిర్ ఇంజక్షన్లు అమ్ముతున్న ఐదుగురిని పోలీసులు అరెస్ట్ చేశారు. నిందితులంతా వేరు వేరు ఆస్పత్రుల్లో ఆయా విభాగాల్లో పనిచేస్తున్న సిబ్బందే కావటం గమనార్హం. ఒక్కో ఇంజక్షన్​ను సుమారు... రూ.36 వేలకు పైగా అమ్ముతున్నట్లు పోలీసులు తెలిపారు.

హైదరాబాద్​ మలక్​పేట పోలీసు స్టేషన్ పరిధిలోని సలీమ్​నగర్​లో రెమ్​డెసివిర్ ఇంజక్షన్లు అధిక ధరకు అమ్ముతున్న ఐదుగురిని పోలీసులు అరెస్ట్​ చేశారు. అరుణ ఆసుపత్రిలో నర్సింగ్ స్టాఫ్​గా విధులు నిర్వహిస్తున్న బనోత్ నరేశ్, సింధు ఆసుపత్రిలో ఎక్స్-రే టెక్నీషియన్లుగా పనిచేస్తోన్న నిమ్మ అశోక్, ధీరవత్ సైదా, ఎస్ఆర్ఎంఎస్ మ్యాన్ పవర్ సర్వీసెస్​లో హౌస్ కీపింగ్ సూపర్వైజర్లు అయిన మణికొండ హరిబాబు, రాఠోడ్ ఆకాశ్​లను అదుపులోకి తీసుకున్నారు.

నిందితుల వద్ద నుంచి 3 రెమ్​డెసివిర్ ఇంజిక్షన్లు, 6 చరవాణులను స్వాధీనం చేసుకున్నారు. ఐదుగురిపై కేసులు నమోదు చేసి, రిమాండ్​కు తరలించారు. బ్లాక్ మార్కెట్​లో కొవిడ్ డ్రగ్స్​ను అమ్మితే... చట్టప్రకారం కఠిన చర్యలు తప్పవని ఇన్స్​పెక్టర్ సుబ్బారావు హెచ్చరించారు.

ఇదీ చూడండి: కరోనా సోకిందని తెలిసి ఆస్పత్రి మెట్ల మీదే ప్రాణాలొదిలిన బాధితుడు