వేడుక నుంచి వస్తుండగా విషాదం

వారంతా హైదరాబాద్​లో తమ బంధువుల ఇంట్లో వివాహానికి హాజరయ్యారు. తిరుగుప్రయాణంలో ప్రమాదానికి గురయ్యారు. సంగారెడ్డి జిల్లా ముస్తాపూర్​ గ్రామ శివారులో జరిగిన రోడ్డు ప్రమాదంలో 40 మందికి గాయాలవగా ఒకరి పరిస్థితి విషమంగా ఉంది.

సంగారెడ్డి జిల్లా అల్లాదుర్గం మండలం ముస్తాపూర్​ గ్రామ శివారులో రోడ్డు ప్రమాదం జరిగింది. పెళ్లి బృందం బస్సు, కంటెయినర్​ లారీ ఢీకొన్న ఘటనలో 40 మందికి గాయాలయ్యాయి. వీరందరినీ జోగిపేట ప్రభుత్వ ఆస్పత్రికి తరలించారు. తీవ్ర గాయాలైన 20మందిని సంగారెడ్డి ప్రభుత్వ ఆస్పత్రికి తీసుకెళ్లగా ఇందులో ఒకరి పరిస్థితి విషమంగా ఉంది. గురువారం రాత్రి హైదరాబాద్​లో జరిగిన వివాహానికి హాజరై స్వగ్రామానికి వెళ్తుండగా ముస్తాపూర్ వద్ద ఈ ప్రమాదం జరగింది.

ఇదీ చదవండిః భారత్​లో సరైన ఆహారం లేక ఇన్ని చావులా?