జడ్పీ కార్యాలయంలో అబ్దుల్​ కలాంకు నివాళులు

నిజామాబాద్​ జిల్లా పరిషత్​ కార్యాలయంలో మాజీ రాష్ట్రపతి ఏపీజే అబ్దుల్​ కలాం జయంతి వేడుకలను ఘనంగా జరిపారు. జడ్పీ ఛైర్మన్​ విఠల్​రావు.. కలాం చిత్రపటానికి పూలమాలలు వేసి నివాళులర్పించారు.

భారత మాజీ రాష్ట్రపతి, మిస్సైల్​ మ్యాన్​గా గుర్తింపు పొందిన సుప్రసిద్ధ శాస్త్రవేత్త స్వర్గీయ అబ్దుల్​ కలాం జయంతి సందర్భంగా నిజమాబాద్​ జడ్పీ కార్యాలయంలో ఛైర్మన్​ విఠల్​రావు.. కలాంకు నివాళులు అర్పించారు. కార్యక్రమంలో అదనపు కలెక్టర్​ లత, సీఈవో గోవింద్, డిప్యూటీ సీఈవో సంజీవ్​కుమార్​, డీఈవో దుర్గాప్రసాద్​ తదితరులు పాల్గొన్నారు.

అబ్దుల్​ కలాం 21వ శతాబ్దపు భారతదేశాన్ని కలలు కన్నారని.. అందుకు అనుగుణంగా ఆయన కృషి చేశారని జడ్పీ ఛైర్మన్​ పేర్కొన్నారు. ఆదర్శవంతమైన కలాం జీవితం.. దేశ ప్రజలకు అనునిత్యం స్ఫూర్తినందిస్తూనే ఉంటుందని విఠల్​ రావు తెలిపారు.

ఇదీ చదవండిః 'అబ్దుల్ కలాం రెండోసారి రాష్ట్రపతి కాకపోవడం అన్యాయం'