కందుల కొనుగోలు కేంద్రాన్ని మూసివేయడం వల్ల రైతులు ఇబ్బందులకు గురవుతున్నారని.. 'పంట అమ్మాలంటే రుజువు చూపించాలట' అనే శీర్షికతో ఈటీవీ భారత్లో ప్రచురితమైన కథనానికి స్పందన వచ్చింది. నల్గొండ ఎస్ఎల్బీసీలోని బత్తాయి మార్కెట్లో కట్టంగూరు పీఏసీఎస్ ఆధ్వర్యంలో కందుల కొనుగోలు కేంద్రం తిరిగి ప్రారంభించారు.
రైతులకు టోకెన్లు ఇచ్చి కొనుగోలు చేయకుండానే సెలవు ప్రకటించారు. రైతులు మార్కెట్కు భారీ ఎత్తున కందులు తీసుకొచ్చారు. కానీ అప్పటికే సెలవు ప్రకటించినట్టు ఫ్లెక్సీ ఏర్పాటు చేశారు. ఏం చేయాలో తెలియక రైతులు ఆందోళనకు గురయ్యారు. దీనిపై ఈటీవీ భారత్లో ప్రచురించిన కథనానికి స్పందించిన అధికారులు కందుల కొనుగోలు పునః ప్రారంభించారు. ఇప్పుడు కూడా రేపటి వరకే కొనుగోలు చేయనున్నట్టు ప్రకటించారు. ఇంకా చాలా మంది రైతులు ఉన్నందున గడువు పొడిగించాలని రైతులు డిమాండ్ చేస్తున్నారు.
ఇదీ చూడండి: పంట అమ్మాలంటే రుజువు చూపించాలట!
