ద్విచక్రవాహనాన్ని ఢీకొన్న లారీ... ఇద్దరు మృతి

యాదాద్రి భువనగిరి జిల్లా హన్మపురం వద్ద ఇద్దరు యువకులు వెళ్తున్న ద్విచక్రవాహనాన్ని లారీ ఢీకొట్టింది. ఈ ఘటనలో శశికాంత్​, మురళి మరణించారు. మృతదేహాలను భువనగిరి ఏరియా ఆస్పత్రికి తరలించారు.

యాదాద్రి భువనగిరి జిల్లా హన్మపురం స్టేజి వద్ద జరిగిన రోడ్డు ప్రమాదంలో ఇద్దరు యువకులు మరణించారు. ద్విచక్రవాహనంపై వస్తున్న శశికాంత్​, మురళి అనే యువకులను లారీ ఢీకొట్టడంవల్ల అక్కడికక్కడే మృతి చెందారు. ఒకరు భువనగిరి పట్టణం ఆర్బీనగర్​కు చెందిన వారు కాగా.. మరొకరు బియన్​ తిమ్మాపూర్​కు చెందిన వ్యక్తిగా పోలీసులు గుర్తించారు. మృతదేహాలను భువనగిరి ఏరియా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు పోలీసులు.

ఇదీ చదవండిః రెండు ఆర్టీసీ బస్సులు ఢీ.. 18 మందికి గాయాలు