తెరాసXభాజపా: ఫ్లెక్సీని చింపిన కార్యకర్తలు

కరీంనగర్​లోని భాజపా కార్యాలయం ముందున్న మంత్రి గంగుల కమలాకర్​ అభినందన ఫ్లెక్సీని భాజపా మహిళా కార్యకర్తలు చింపేశారు. నిరసనగా తెరాస కార్యకర్తలు ఆందోళన చేశారు.

కరీంనగర్​ పట్టణంలోని వావిలాలపల్లిలో భాజపా పార్టీ కార్యాలయం ముందు తెరాస ఏర్పాటు చేసిన మంత్రి గంగుల కమలాకర్ అభినందన ఫ్లెక్సీ వివాదానికి దారి తీసింది. భాజపా మహిళా కార్యకర్తలు ఈ ఫ్లెక్సీని చించివేశారు. విషయం తెలుసుకున్న కాలనీ తెరాస మద్దతుదారులు అక్కడికి చేరుకొని గొడవకు దిగారు. పోలీసుల జోక్యంతో గొడవ సద్దుమణిగింది. మూడవ పట్టణ సీఐ విజ్ఞాన్ రావు కేసు నమోదు చేశారు.

కేటీఆర్​ మాటను గౌరవించరా?

పర్యావరణ పరిరక్షణలో భాగంగానే ఫ్లెక్సీలను చించివేసినట్లు భాజపా మహిళా కార్యకర్తలు పేర్కొన్నారు. ఐటీశాఖ మంత్రి కేటీఆర్ ఫ్లెక్సీలను ఏర్పాటు చేయొద్దని చెప్పినప్పటికీ తెరాస పార్టీ నాయకులు, కార్యకర్తలు మంత్రి మాటను పెడచెవిన పెడుతున్నారంటూ ఆరోపించారు.

ఇవీ చూడండి: తెలంగాణ విమోచన దినోత్సవం వెనకున్న చరిత్ర ఇదే!!