ప్రతి మంగళవారం వైఎస్ఆర్టీపీ అధ్యక్షురాలు వైఎస్ షర్మిల నిరుద్యోగుల కోసం గత కొన్ని వారాలుగా చేపడుతోన్న ఒక్కరోజు దీక్ష కొనసాగుతోంది. అందులో భాగంగా నేడు గజ్వేల్ నియోజకవర్గంలోని గుండన్నపల్లిలో షర్మిల... నిరుద్యోగ నిరాహార దీక్ష చేపట్టారు.
రాజు కుటుంబానికి భరోసా...
ముందుగా... గజ్వేల్ మండలం, అంతరావుపల్లిలో ఇటీవల ఆత్మహత్య చేసుకున్న నిరుద్యోగి కొప్పు రాజు కుటుంబాన్ని షర్మిల పరామర్శించారు. రాజు తల్లిదండ్రులను ఓదార్చి వారికి అండగా ఉంటామని భరోసా ఇచ్చారు. అనంతరం... ప్రజ్ఞాపూర్ మున్సిపాలిటీ పరిధిలోని రాజీవ్ రహదారి కుందనపల్లి శివారులో షర్మిల దీక్షలో కూర్చున్నారు. దీక్ష సాయంత్రం 5 గంటల వరకు కొనసాగనుంది. ఈ దీక్షలో యువత పెద్దఎత్తున భాగస్వామ్యులయ్యారు.
ప్రజాసంఘాల మద్దతు..
వైఎస్ ష‌ర్మిలను జాతీయ ఆదివాసీ అఖిలప‌క్ష ప్రజా సంఘాల జేఏసీ జాతీయ క‌న్వీన‌ర్, మాజీ ఎమ్మెల్యే, మాజీ ఖ‌మ్మం జ‌డ్పీ ఛైర్మన్ చందా లింగ‌య్య దొర లోటస్ పాండ్లో క‌లిశారు. త్వర‌లో గిరిజ‌న గ‌ర్జన స‌భ పెడుతున్నామ‌ని, ఆ కార్యక్రమానికి ముఖ్య అతిథిగా హాజ‌రు కావాల‌ని ఆయన కోరినట్లు పార్టీశ్రేణులు తెలిపాయి. వైఎస్ఆర్ తెలంగాణ పార్టీకీ ఆల్ ఇండియా సూఫీ ఉస్లేమా కౌన్సిల్ అధ్యక్షులు హ‌కీం సుఫీ హైరుద్దీన్ మద్దతు పలికినట్లు పార్టీ శ్రేణులు తెలిపాయి.
ఇదీ చూడండి:
