కత్తులతో దాడి చేసుకున్న వైకాపా వర్గీయులు... ఒకరి పరిస్థితి విషమం

ఆంధ్రప్రదేశ్​లోని శ్రీకాకుళం జిల్లా ఇచ్ఛాపురం మండలం కీర్తిపురంలో వైకాపా వర్గీయుల మధ్య జరిగిన పరస్పర ఘర్షణ కత్తులతో దాడిచేసుకునే వరకు దారితీసింది. ఈ ఘర్షణలో ఆరుగురికి తీవ్రగాయాలవ్వగా.. ఒకరి పరిస్థితి విషమంగా ఉందని వైద్యులు తెలిపారు.

శ్రీకాకుళం జిల్లా ఇచ్చాపురం మండలం కీర్తిపురంలో వైకాపా వర్గీయుల మధ్య విభేదాలు చెలరేగాయి. నాడు-నేడు, ఉపాధి హామీ పనుల కేటాయింపులో వివాదం తలెత్తింది. కీర్తిపురం ఉన్నత పాఠశాలలో ఇరువర్గాల మధ్య ఘర్షణ జరిగింది. మాటమాటకు పెరిగి కత్తులతో దాడి చేసుకున్నారు.

వైకాపా వర్గీయుల మధ్య చెలరేగిన ఈ ఘర్షణలో ఇరువర్గాల వారికి గాయాలయ్యాయి. ఆరుగురు గాయపడగా అందులో ఒకరి పరిస్థితి విషమంగా ఉంది. వీరిని ఇచ్ఛాపురం ప్రభుత్వ సామాజిక ఆసుపత్రికి తరలించి చికిత్స అందిస్తున్నారు. గ్రామీణ పోలీసులు కేసు నమోదు చేసి దర్యాప్తు చేస్తున్నారు.